შესვლა
იტალიის სერია ა–ს ტურის ცენტრალურ მატჩში, მილანის ინტერმა ტურინის იუვენტუსს უმასპინძლა და ორი უპასუხო გოლი გაუტანა. ამ გუნდების დაპირისპირების დატვირთვას თავი რომ დავანებოთ, ორივე მათგანისთვის აღნიშნული შეხვედრა, სატურნირო თვალსაზრისითაც ძალიან მნიშვნელოვანი იყო.
"იუვე" წაგების შემდეგ კვლავ მეხუთე ადგილზე დარჩა, ხოლო "ნერაძური" გათამაშების ლიდერ მილანს ქულებით გაუთანაბრდა, თუმცა "როსონერი" თავის შეხვედრას დღეს ჩაატარებს. მატჩის შემდეგ, "ბებერი ქალბატონის" დამრიგებელმა, ანდრეა პირლომ განაცხადა, რომ მისი გუნდი ამაზე ცუდად თამაშს ვერ შეძლებდა და პასუხისმგებლობას საკუთარ თავზე იღებს. მის სიტყვებს FOOTBALL-ITALIA ციტირებს. აღსანიშნავია ისიც, რომ ანტონიო კონტემ ტურინული კლუბი პირველად დაამარცხა.
სამწუხაროდ, მატჩი თავიდანვე არასწორად დავიწყეთ და აქცენტი დაცვაზე გავაკეთეთ. ეს შეცდომა იყო. ინტერმა კი ამით კარგად ისარგებლა. შეიძლება ითქვას, რომ ამაზე ცუდად ვერ ვითამაშებდით.
ასეთი მარცხი მოულოდნელი იყო. მეტი აგრესია უნდა გამოგვევლინა. პასუხისმგებლობას საკუთარ თავზე ვიღებ. წინ იტალიის სუპერთასის მატჩი გველის და ახლა საჭიროა, რომ იმ დაპირისპირებაზე სრულად გადავერთოთ.
ასევე იხილეთ :
სიახლე
ვიდეო